|
 Muqdisho,(insidesomalia.org) - Qeybtii labaad ee Ciidamada ka socda Wadanka Burundi ayaa maanta ka soo dagay Garoonka Diyaaradaha ee Magaalada Muqdisho, kuwaas oo qeyb ka noqon doona Ciidamada nabad ilaalinta ee Amisom ee horay Muqdisho u joogay.
96 Askari oo ka socota Wadanka Burundi ayaa maanta ka soo dagay Garoonka Diyaarahadaha Magaalada Muqdisho, halkaasi oo ay ku soo dhaweeyeen Saraakiil katirsan Amisom.
Shalay ayaa waxaa soo gaaray Muqdisho 100 Askari oo hor dhac u ahaa Ciidamada Wadanka Buruundi, waxaana ay qeyb ka yihiin Ciidamadan 8,50 Askari oo Burundi ay sheegtay in Somalia ay u soo dirayso si ay uga qeyb qaataan nabad ku soo dabaalida Soomaaliya .
Ciidamada maanta yimid muqdisho waxaa ay waday Diyaarad nuuca Xamuulka ah oo laga leeyahay Wadanka Uganda.
 Ururka Amniga iyo Nabada Africa ayaa waxaa ay sheegeen in xaalada Soomaaliya ka jirta ay halis ku tahay Qaraada Africa oo dhan, islamarkaana loo baahanyahay in laga hor tago.
Golaha Ammaanka Qaramada Midoobay ayaa waxaa ay iyaguna sheegeen in la dardar galiyo Ciidamada Nabad ilaalinta Africanka ah ee Soomaaliya la gaynayo.
 |
Siyaasadda | Somaliya 
Subscribe to this comment's feed